1. Ұтыс ойынына, Ұйымдастырушының (Chocofamily холдингі) қызметкерлерін, курьерлерді және олардың отбасы мүшелерін қоспағанда, Қазақстан аумағында тұрақты түрде тұрып жатқан, 18 жасқа толған Қазақстан Республикасының әрекетті азаматтары қатыса алады.
2. Ұтыс ойынына CHOCOFOOD IOS және Android платформасында 2022 жылғы 12 желтоқсан мен 2023 жылғы 12 қаңтар аралығында кемінде 1 (бір) аяқталған тапсырыс жасаған пайдаланушылар қатысады (CHOCO, Kaspi және сайтта жасалған тапсырыстар ұтысқа қатыспайды).
3. Ұтыс ойыны Қазақстан аумағында Ақтау, Алматы, Астана, Шымкент, Ақтөбе, Атырау, Қарағанды, Қостанай, Өскемен, Орал, Қызылорда, Петропавл, Павлодар, Семей қалалары үшін өткізіледі.
4. Қатысуға Интернет желісінің нақты пайдаланушылары жіберіледі. Қатысушыны сәйкестендіру CHOCOFOOD платформасындағы аккаунт бойынша жүзеге асырылады. Егер Ұйымдастырушы аккаунт автоматты түрде өндірілген деп есептесе, ол қатысушыларды алып тастауға құқылы.
5. Жүлделер Ұтыс ойынының барлық шарттарын орындап қатысқан Ұтыс ойынына қатысушылар арасында ғана ұтысқа салынады.
6. Ұтыс ойынының жеңімпаздары Ұтыс ойынының шарттарына сәйкес жүлделер алады:
- Әр қала бойынша "Бір жылдық тамақ қоры" - жүлдені алған сәттен бастап бір жыл ішінде Ұтыс ойынының шарттарында көзделген мөлшерде промокодтарды күнделікті белсендіру.
- 256 ГБ-қа IPhone 14 - үш жүлде (сыйлықтын сыртқы кейпі Өткізушінің жарнамасындағы суреттер айырмашылығы бар болу мүмкін)
- "Бір аптаға арналған тамақ қоры" - жүлдені алған сәттен бастап бір апта ішінде Ұтыс ойыны шарттарында көзделген мөлшерде промокодтарды белсендіру.
- "Демалыс күндеріне арналған тамақ қоры" - Ұтыс ойынының шарттарында көзделген 5000 теңге мөлшерінде бір реттік сыйлық промокодтары.
7. Жеңімпаздарды анықтау Random.org сайтында кездейсоқ сандарды өндіру арқылы жүзеге асырылады.
8. Ұтыс ойынының жеңімпазына күн сайын жүлде түріне байланысты кезең ішінде (жыл, апта) CHOCOFOOD платформасындағы Қатысушының жеке аккаунтына 2500 теңге мөлшерінде промокодтар және "Демалыс күндеріне арналған тамақ қорын" ұтып алғанға бір реттік 5000 теңгелік промокод жіберілетін болады. Промокодтар 7-тармаққа сәйкес таңдалған бір ғана аккаунтқа жіберілетін болады. Жеңімпаз промокодтарды белсендіру аккаунтын өзгерте алмайды.
9. Промокод "Бір жылдық тамақ қоры" және "Бір апталық тамақ қоры" үшін 24 сағат ішінде ғана жарамды. "Демалыс күндеріне арналған тамақ қорына" арналған промокод 3 күн ішінде жарамды. Көрсетілген кезеңде пайдаланылмаған жағдайда промокод жанып кетеді және басқа есептеулермен қосылмайды.
10. Промокодтарды тек онлайн төлем қабылдайтын мекемелерде пайдалануға болады.
11. Ұтыс ойынын ұйымдастырушы жүлдені промокодтардан бонустарға немесе өзге де нысанға өзгертуге құқылы..
12. Ұтыс ойынын өткізу және оның шарттары туралы хабарлау Интернет желісінде Ұйымдастырушының әлеуметтік желілерінің ресми беттерінде ақпаратты орналастыру арқылы жүргізіледі.
13. Жүлдені алу үшін Жеңімпаз Ұйымдастырушының талабы бойынша өзінің жарамды деректерін (ұялы телефон нөмірі, ТАӘ, тұрғылықты қаласы, жеке куәлігі) ұсынуы керек.
14. Жеке кабинетте көрсетілген ТАӘ жеке куәлікте көрсетілген деректермен сәйкес келуі керек.
15. Егер Ұтыс ойыны (қорытындыларды жариялау) аяқталғаннан кейін 1 (бір) жұмыс күні ішінде Ұйымдастырушыға байланысты емес кез келген себептер бойынша (Қатысушының аккаунтқа кірмеуі, Ұйымдастырушының хабарламаларын оқымау және т.б.) Жеңімпазбен байланыса алмаса, онда Қатысушы жүлдені алу құқығынан айырылады, ал Ұйымдастырушы Жеңімпазды қайта анықтауға құқылы.
16. Ұтыс ойынының Жеңімпазы Ұтыс ойыны аяқталғаннан кейін (қорытындылар жарияланғаннан) кейін 1 (бір) жұмыс күні ішінде жүлдені алудан талап етілмеген немесе бас тартылған жағдайда Ұйымдастырушы жүлдені өзгерту, Ұтыс ойыны жүлделері иегерлерінің жалпы санын тиісінше азайту не жүлдені басқа Жеңімпазға тапсыру құқығын өзіне қалдырады.
17. Ұтыс ойынының Ережелеріне сәйкес берілетін жүлделер құнының ақшалай баламасын төлеу жүргізілмейді.
18. Ұтыс ойынын Ұйымдастырушы кез келген уақытта Интернет желісінде Ұйымдастырушының әлеуметтік желілерінің ресми беттерінде тиісті ақпаратты орналастыру арқылы Ұтыс ойынының Шарттарын өзгертуге құқылы. Ұтыс ойынына қатысушылар Ұтыс ойынының Шарттарын жаңартуды өз бетінше қадағалауға міндетті.
19. Қатысушылар Ұтыс ойынына қатысу үшін өздері көрсеткен дербес деректерді Ұйымдастырушы Ұтыс ойынын өткізу мақсатында барлық қажетті тәсілдермен өңдейтінін түсінеді және онымен келіседі және Ұтыс ойынына қатысу кезінде осындай өңдеуге келісімін береді.
20. Ұтыс ойынына қатысу Қатысушының Ұтыс ойынын өткізу мақсатында Ұйымдастырушыға өзінің дербес деректерін өңдеуге келісім беру фактісін растайды. Дербес деректерді өңдеуді Ұйымдастырушы Қазақстан Республикасының заңнамасында көзделген қағидаттар мен қағидаларды сақтай отырып жүзеге асыратын болады.
21. Ұтыс ойынына қатысу фактісі Ұйымдастырушының дербес деректерді өңдеуіне Ұтыс ойынына қатысушының еркін, нақты, ақпараттандырылған және саналы түрде, Ұтыс ойынын өткізу мақсатында қажетті кез келген тәсілдермен және осы Шарттарда көзделген тәртіппен келісімін білдіру болып табылады.
22. Осы Шарттар мақсатында дербес деректер деп "Дербес деректер және оларды қорғау туралы" Қазақстан Республикасының Заңында айқындалғандай, Қатысушылардың және өзге де тұлғалардың – дербес деректер субъектілерінің дербес деректері түсініледі.
23. Дербес деректерді өңдеу деп осы Шарттарда автоматтандыру құралдарын пайдаланып немесе мұндай дербес деректер бар құралдарды пайдаланбай жасалатын кез келген әрекет (операция) немесе әрекеттер (операциялар) жиынтығы түсініледі, оның ішінде Ұтыс ойынын өткізу мақсатында Ұтыс ойынына Қатысушы ұсынған дербес деректерді жинау, жазу, жүйелеу, жинақтау, сақтау, нақтылау (жаңарту, өзгерту), шығару, пайдалану, беру (тарату, ұсыну, қол жеткізу), иесіздендіру, оқшаулау, жою.
24. Осы Шарттар мақсатында дербес деректерді тарату деп тұлғалардың белгісіз тобына дербес деректерді ашуға бағытталған іс-әрекеттер түсініледі, атап айтқанда: Интернетте, сондай-ақ Қатысушының тегі, аты, олардың тұратын қаласы немесе өзге де елді мекені туралы мәліметтердің өзге де көздерінде ашық жариялау, фотосуреттер, сондай-ақ осы Шарттарда және (немесе) Қазақстан Республикасының қолданыстағы заңнамасында көзделген жағдайларда Қатысушының жүлдесі туралы мәліметтер.
25. Ұтыс ойынына қатыса отырып, Сіз Қатысушы күрделі объектілердің құрамында кескінді пайдалануға, сондай-ақ бейнеролик жүргізу кезінде және/немесе фотоматериалдарда тіркелген дыбысты және/немесе кескінді жеке пайдалануға, Сіздің кескініңізді кез келген тәсілдермен пайдалануға (фото- және бейнематериалдарда тіркелген), Сіздің жеке деректеріңізге және Қатысушының кескіндеріне қол жеткізуге, оларды жинауға, сақтауға, өңдеуге, таратуға, сондай-ақ пайдалануға келісіміңізді бересіз. Фото және бейнематериалдар орналастырылмауы және Ұтыс ойынына қатыспауы мүмкін.
26. Қатысушылар Ұтыс ойынына қатысу мақсатында хабарлаған барлық дербес деректерін Ұйымдастырушы Қазақстан Республикасының қолданыстағы заңнамасына сәйкес сақтайтын және өңдейтін болады. Қатысушы дербес деректерді өңдеуге келісімді Ұтыс ойынын өткізудің бүкіл мерзіміне және ол аяқталғаннан кейін 5 (бес) жыл өткенге дейін береді. Қатысушының дербес деректерді өңдеуге келісімін қайтарып алуы автоматты түрде тиісті Қатысушының Ұтыс ойынына қатысудан шығуына әкеп соғады және жүлдені алуды мүмкінсіз етеді.
27. Ұйымдастырушы мұндай жағдайда Қатысушыға жүлде беруден бас тартуға немесе егер тиісті жүлдені Қатысушы бұрын талап еткен болса, оны қайтаруды талап етуге құқылы (заттай, не осы Шарттар негізінде айқындалатын ақшалай балама ретінде).
28. Қатысушы бола отырып, тұлға өзін Ұтыс ойынының Жеңімпазы деп көпшілікке кез-келген нысанда жариялауға және өзінің барлық маркетинг материалдарында Жеңімпаздың атын пайдалануға өз келісімін береді.
29. Қажет болған жағдайда, оның ішінде, бірақ онымен шектелмей, жүлдені тапсыру мақсатында, Ұйымдастырушы Ұтыс ойынына қатысушылардан Қазақстан Республикасының қолданыстағы заңнамасына сәйкес мемлекеттік органдарға ұсыну үшін қажетті ақпаратты, оның ішінде қатысушылардың дербес деректерін талап етуге құқылы.
30. Жүлделердің құны, параметрлері мен сипаттамалары Ұтыс ойынын Ұйымдастырушының қалауы бойынша анықталады және Қатысушының күткенімен сәйкес келмеуі мүмкін.
31. Ұтыс ойынын Ұйымдастырушы жауапты емес:
- Ұтыс ойынының Жеңімпазымен байланыса алмау үшін.
- Ұтыс ойынына қатысушылардың өздерінің кінәсінен немесе байланыс ұйымдарының кінәсінен немесе Ұтыс ойынын Ұйымдастырушыға байланысты емес өзге де себептер бойынша Ұтыс ойынының жүлделерін алу үшін қажетті мәліметтерді алмау/уақытылы алмау үшін.
32. Осы Шарттарды, кез келген даулы мәселелерді және/немесе осы Шарттарда реттелмеген мәселелерді әртүрлі түсіндіруге мүмкіндік беретін жағдай туындаған жағдайда, қорытынды шешімді Қазақстан Республикасының қолданыстағы заңнамасының талаптарына сәйкес Ұйымдастырушы қабылдайды.
33. Ұтыс ойынының ережелері, шарттары мен өткізу кезеңін Ұйымдастырушы Ұтыс ойынының бүкіл мерзімі ішінде өзгерте/толықтыра/жоя алады. Мұндай өзгерістер мен толықтырулар Интернет желісінде Ұйымдастырушының әлеуметтік желілерінің ресми беттерінде жарияланған сәттен бастап күшіне енеді және Ұтыс ойынына қатысу күніне немесе Қатысушыларды Жеңімпаздар деп анықтау күніне қарамастан барлық Қатысушыларға қатысты болады, егер өзгесі Шарттарға берілген өзгерістермен/ толықтырулармен тікелей айқындалмаса.
34. Осы шарттарда тікелей реттелмеген барлық мәселелер Қазақстан Республикасының қолданыстағы заңнамасы негізінде реттеледі.
35. Ұтыс ойынын Ұйымдастырушы туралы мәліметтер:
Атауы: «Интернет доставка» ЖШС
Заңды мекенжайы: 050040, Қазақстан Республикасы, Алматы қ., Бостандық ауданы, Байзақов к-сі, 280
Пошталық мекенжайы: 050040, Қазақстан Республикасы, Алматы қ., Бостандық ауданы, Байзақов к-сі, 280, 5-қабат, CHOCOFOOD кеңсесі
Байланыс деректері: sikorskaya.o@chocofood.kz